Network
Baca Juga: Karsa Gempita Bulan Bahasa Provinsi Bali
4. Daging mangkin tityang matur mangawitin,
ring imirah,
kedeh mapinunas,
dumadak lédang nampénin,
mangdénnya imirah puput,
ngodagang tityang puniki,
anggon juru manupdupang,
nyisinin sambil mangelut,
dyastu kala imirah,
kahongkeban,
tityang séngeh mangilihin,
nyutsutin karingat muka.
5. Tityang suka yan mirah pungkur nyarengin,
kala menggah,
réh sampun ngapalang,
pangrumrum pamurnan hati,
sampun mabukti ping siyu,
manglebur ibuk brangti,
kudang-kudang kakarangan,
kawiraja sané kasub,
kaketus sampun karambang,
satus pada,
cara swarga turah iriki,
mangkep sampun kapastika.
Baca Juga: Temui Titik Terang, Sesmenpora: LADI Harus Selesaikan 24 Pending Matters
6. Kala uyang tan sida merem digelis,
kari gampang,
dipabinan ngebah,
tityang sanggup magadangin,
sambilang nyosohang rambut,
kaduk manglawut manyiksik,
ngiras nyangkrimang imirah,
mupah kapah ngurut susu,
ngicalang laad lamad odak,
tur mantesang,
ncén ané sandang usudin,
ratu jeg meneng manggayang.
7. Tityang tanggung mayasin mangdén becik,
tan pacacad,
polos papatutan, nanging sanget nudut hati,
asing ngeton dot maniru,
tityang kasub uling alit,
mula juru payas koptah,
prakanggé dipuri agung,
saking duweg mamantesang,
tan méndowang,
nguwah nguwuh malih kidik,
puput dados tan pacacad.
Baca Juga: Temui Titik Terang, Sesmenpora: LADI Harus Selesaikan 24 Pending Matters
8. Inggih ja ampakang lambéné manis,
né waluya,
korin Hyang Iswara,
né maraga bawos inggih,
né muwat arti pasanggup,
medalang tuntun ban kenying,
réh sampun sami sayaga,
Catur Lokapala nunggu,
Hyang Indra dimatan tityang,
Hyang Kuwéra,
ring karna alal manganti,
ring irung Sang Hyang Baruna.
9. Sang Hyang Yama ring cangkem,
tityang manganti,
pacang nyanggra,
kusung kahiringang,
ring utek katurang linggih
kastawa ban gurit kidung,
kasepin ban girang hati,
madamar ban manah bingar,
mawisik éling satuwuk,
inggih sapunika mirah
raris nimbal,
Dyah Karuni manyawurin,
gagebugé tangar pisan.
Baca Juga: 40 Tahun Berkarya, Duran Duran Kembali Rilis Album Baru
