Network
3. Tambet tan lyan puniku,
dadi kranan sami-sami,
krana jenged kadi jantra,
suka duhka malinder panggih,
jani sedih nyanan girang,
suwud girang sedih malih.
Baca Juga: Lirik Pupuh Ginanti 'Saking Tuhu Manah Guru'
4. Yan banya nu tunggun hidup,
liyu tegenang dihati,
nanging yaning suba tuwa,
kisut cengkud kalud sakit,
angkihan mamegat-megat,
apa né tegenang malih.
5. Pamuputnya mati bungkus,
kakencané telah ledis,
twara ada buwin kandayang,
kabelet payu negakin,
tumbén jemet nyak manyerah,
naros twara makelatin.
Baca Juga: Lirik Pupuh Ginada 'Eda Ngaden Awak Bisa'
6. Acepanné kudyang hiyu,
megoh nanggu séket keti,
makejang tondén kasidan,
puput nyerah ngaba gering,
geringin salah acepan,
bek maisi sakit hati.
7. Jumunin dumadi tudtud,
nudtudang edoté nguni,
demené maawak bangkaan,
anggon ngalih né demenin,
nanging pragat dadi nungkak,
mati enggalan nyagjagin.
Baca Juga: Lirik dan Chord Lagu Bali Metilar Tan Megatra dari Lolot Band
8. Ping séket jantos ping siyu,
bulak balik manumadi,
ngubungin pakitan manah,
kadén iya bisa trepti,
suba satak nagih domas,
suba siyu nagih aketi.
9. Pamuput tan tahén cukup,
nandang, kuwang sahi-sahi,
kadi pasih nyolo tukad,
lwir agni maksa lengis,
sahi embuh sahi kuwang,
tan sida antuk ngenemin.
