Network
BULELENGPOST.COM --- Geguritan Sucita Subudhi mengandung konsep budaya Bali seperti dharma, tri hita karana, desa kala patra, rwa bhineda, dan karmaphala.
Dan berikut ini adalah Pupuh Ginada yang diambil dari Geguritan Sucita Subudhi karya Ida Bagus Ketut Jelantik.
Baca Juga: Pupuh Ginada
GEGURITAN SUCITA I - Pupuh Ginada
1. Kagét sampun abang wétan,
ngandika Ida Sang Resi,
amonto malu pragatang,
buwin pidan jalan sambung,
bapa merasa kirangan,
ngajak cening,
mabawos magagonjakan.
2. Cening apang masih maan,
sirep ajahan né jani,
adin cening I Sugata,
mangdén ngiring merem ditu,
bapa masih kuru negak,
jahan malih,
suba ngantin bapa ngarga.
Baca Juga: Pupuh Bhramara untuk Kegiatan Manusa Yadnya
3. Gelising carita kocap,
pada makolem digelis,
ajahan sampun semengan,
sang merem sami mawungu,
gelis masiram ngastawa,
Sang Hyang Rawi,
puputing saupacara.
4. Puputé manangkil muwah,
ring Ida Sang Maha Rsi,
misadyang pacang mamindah,
makadi ring sang ahayu,
sampun tangkil ring sang tapa,
matur pamit,
tan kirang ngawénang suka.
Baca Juga: Pupuh Ginada
5. Pedanda raris ngandika,
bapa twara mrasa iying,
katinggal bahan idéwa,
kantun rumaket ring kayun,
nanging dyastu sapunika,
jani ngawit,
muruk nahan sakit belas.
6. Dumadak lantur mamarga,
tur énggal bwin teka mai,
nah kema cening morahan,
tekén I adi sang hayu,
apang da nto dadi cara,
crita gelis,
ring sang hayu pamit budal.
Baca Juga: Pupuh Sinom, Geguritan Rsi yadnya
7. Tan panjang kacaritayang,
sang ninggal lan katinggalin,
pada sarat muwat unang,
kayunné ngalawan kayun,
méh malilit jroning rasa,
twara kaksi,
sok linuh ngendas diraga.
8. Pada duweg nanem rasa,
nanging ring aksi maciri,
kadi agni ring tabunan,
andusnya kanten makudus,
dyastu kayunné ngedetang,
nging dibibih,
kalis pangrawosé lagas.
Baca Juga: Lirik Pupuh Ginanti 'Saking Tuhu Manah Guru'
9. Pamuput atep di tengah,
payu mablasan di sisi,
kadi pegat katik jarak,
getahnya enu mangatut,
gelising carita kocap,
wus mapamit
ring I Sugata tan lupa.
10. Raris matur I Sugata,
dumadak patinggal beli,
kadi pakésah Batara,
matinggalan teduh landuh,
munggi mangda sapunika,
sang ninggalin,
keni sané kaacepang.
Baca Juga: Pupuh Dangdang karya Ida Bagus Ketut Jalantik
11. Sasampun beli matinggal,
tityang pacang maca tulis,
tulisané jroning manah,
manah imbok sang hayu,
né rawit misi karangan,
solah beli,
sering pacang ngulgul tityang.
12. Sadurung beli mamarga,
paicain tityang gurit,
né mapupuh Smarandana,
dyastu pitung pada cukup,
né nyatwayang cakrawaka,
kala sedih,
tinggalin manuk déwata.
Baca Juga: Pengertian Pupuh dan Lirik Pupuh Pucung, Bibianu
13. Nggih beli margi durusang,
ampura tityang ngulgulin,
sang hayu kanti kémengan,
bulak balik nabdab semu,
pongah kimudé madukan,
kanti kabilbil,
jantos kasép manyaruwang.
14. Sang Sucita kenyem nimbal,
nah jani beli ninggalin,
kéwala adi Sugata,
preténin sekaré harum,
mangdénnya digelis mekar,
medal sari,
né miyik mabur mimpungan. ***
